சுவிட்சர்லாந்திற்கான F-35A போர் விமான உற்பத்தி தொடக்கம்

சுவிட்சர்லாந்து விமானப் படையின் வான் பாதுகாப்பை நவீனப்படுத்தும் நோக்கில், அமெரிக்காவின் லாக்ஹீட் மார்ட்டின் (Lockheed Martin) நிறுவனத்திடமிருந்து F-35A ரக போர் விமானங்கள் கொள்முதல் செய்ய ஒப்பந்தம் மேற்கொள்ளப்பட்டது. 

இந்நிலையில், ஜார்ஜியா மாநிலத்தில் அமைந்துள்ள மாரியெட்டா (Marietta) மையத்தில் சுவிட்சர்லாந்திற்கான முதல் F-35A விமானத்தின் மத்திய இறக்கைப்பகுதி (Center Wing Assembly) தயாரிக்கும் பணி தொடங்கப்பட்டுள்ளது. 

திட்டமிட்டபடி தயாரிப்பு பணிகள் நிறைவடைந்ததும், சுவிஸ் விமானிகளுக்கு பயிற்சி அளிப்பதற்காக 2027-ஆம் ஆண்டு மத்தியில் முதல் 8 விமானங்கள் அமெரிக்காவின் ஆர்கன்சாஸ் (Arkansas) தளத்திற்கு அனுப்பப்படும்.

 அதனைத் தொடர்ந்து, 2028-ஆம் ஆண்டு முதல் இந்த அதிநவீன ஐந்தாம் தலைமுறைப் போர் விமானங்கள் சுவிட்சர்லாந்து விமானப் படையில் நேரடியாகக் கட்டம் கட்டமாக இணைக்கப்படும் என அறிவிக்கப்பட்டுள்ளது.