பியூரென் நகரில் நிலத்தடி கார் பார்க்கிங்கில் தீ – 36 கார்கள் சேதம்

பெர்ன்ஸ்ட்ராஸ் பகுதியில் உள்ள நிலத்தடி வாகன நிறுத்துமிடத்தில், காலை 9.55 மணியளவில் தானியங்கி தீ எச்சரிக்கை ஒலி எழுப்பப்பட்டது.

தகவலறிந்து வந்த அவசரகால மீட்புப் படையினர், அங்கு அடர்த்தியான புகையுடன் கார் ஒன்று தீப்பற்றி எரிவதைக் கண்டனர். இதையடுத்து வணிக வளாகமும், நிலத்தடி வாகன நிறுத்துமிடமும் உடனடியாக காலி செய்யப்பட்டன.

மீட்புப் படையினர் தீயை கட்டுக்குள் கொண்டு வந்தனர். முன்னெச்சரிக்கை நடவடிக்கையாக சுமார் 20 பேர் ஆம்புலன்ஸ் குழுவினரால் பரிசோதிக்கப்பட்டனர். எனினும், யாருக்கும் காயம் ஏற்படவில்லை.

தீயில் ஒரு கார் முற்றிலும் எரிந்து நாசமானது. மற்றொரு கார் கடுமையாக சேதமடைந்த நிலையில், மேலும் 34 வாகனங்களும் பாதிக்கப்பட்டுள்ளன.

தீ மற்றும் வெடிப்புப் பிரிவினர் நடத்திய விசாரணையில், ஒரு வாகனத்தின் இயந்திரத்தில் ஏற்பட்ட தொழில்நுட்பக் கோளாறே தீ விபத்துக்குக் காரணம் என தெரியவந்துள்ளது.

சம்பவத்தையடுத்து வணிக வளாகம் நாள் முழுவதும் மூடப்பட்டது. மீட்பு பணிகளால் அப்பகுதியில் போக்குவரத்துக்கு மாற்றுப்பாதை ஏற்படுத்தப்பட்டதுடன், பேருந்து சேவையும் பாதிக்கப்பட்டது.