சுவிட்சர்லாந்தில் நிலையான அடமானக் கடன் வட்டி விகிதங்கள் அதிகரிப்பு

கம்பாரிஸ் வெளியிட்டுள்ள அடமானக் கடன் அறிக்கையின்படி, பத்து ஆண்டுகளுக்கான நிலையான அடமானக் கடன் வட்டி விகிதம் 1.77 சதவீதத்திலிருந்து 2.07 சதவீதமாக உயர்ந்துள்ளது. ஐந்து ஆண்டுகளுக்கான வட்டி விகிதம் 1.52 சதவீதத்திலிருந்து 1.90 சதவீதமாகவும், மூன்று ஆண்டுகளுக்கான வட்டி விகிதம் 1.32 சதவீதத்திலிருந்து 1.75 சதவீதமாகவும் அதிகரித்துள்ளது.

இதற்கிடையில், சாரோன் எனப்படும் மாறும் வட்டி விகித அடிப்படையிலான அடமானக் கடன்கள் சராசரியாக 0.8 முதல் 1.2 சதவீதம் வரையிலான வட்டியில் தொடர்ந்து வழங்கப்படுகின்றன.

வங்கிகள் கடன் வழங்குவதற்காக நிதி திரட்டும் செலவுகள் அதிகரித்துள்ளதும் நிலையான அடமானக் கடன் வட்டி உயர்வுக்கு மற்றொரு காரணமாகும். வெளிநாடுகளில் அதிகரிக்கும் வட்டி விகிதங்கள் சுவிஸ் மூலதனச் சந்தையிலும் தாக்கத்தை ஏற்படுத்துவதாக கம்பாரிஸ் நிதி நிபுணர் டிர்க் ரென்கர்ட் தெரிவித்துள்ளார்.

இருப்பினும், அறிவிக்கப்பட்டுள்ள வழிகாட்டி வட்டி விகிதங்களைவிட, வாடிக்கையாளர்கள் வங்கிகளுடன் பேச்சுவார்த்தை நடத்தி குறைந்த வட்டியைப் பெற வாய்ப்புள்ளதாக கம்பாரிஸ் சுட்டிக்காட்டியுள்ளது. எனவே, பல்வேறு வங்கிகளின் வட்டி விகிதங்களை ஒப்பிட்டு, பேச்சுவார்த்தை நடத்துவது கடன் பெறுவோருக்குப் பயனளிக்கும்.