சூரிச் நகரில் இடதுசாரி தீவிரவாதிகளின் சட்டவிரோதப் போராட்டத்திற்கு அழைப்பு – காவல்துறை தயார் நிலையில்!

பிரான்சில் அண்மையில் நடைபெற்ற போராட்டங்களின்போது, லிமோஜ் நகர மன்றக் கட்டடம் தீப்பற்றி எரிந்த காட்சிகள் சமூக வலைதளங்களில் பரவியுள்ளன. இந்தப் படங்களைப் பகிர்ந்துள்ள சுவிஸ் போராட்ட அமைப்பாளர்கள், சூரிச்சின் நான்காவது மாவட்டத்திலும் போராட்டம் நடைபெறவுள்ளதாகத் தெரிவித்துள்ளனர்.

இரவு 10 மணிக்குத் தொடங்கத் திட்டமிடப்பட்டுள்ள இந்தப் போராட்டத்தில் பங்கேற்பவர்கள் மாறுவேடங்களில் வருமாறும் அழைப்பு விடுக்கப்பட்டுள்ளது. உயரும் வாடகை மற்றும் மருத்துவக் காப்பீட்டுக் கட்டணங்களுக்கு எதிராகக் குரல் கொடுப்பதே போராட்டத்தின் முக்கிய நோக்கமாகக் கூறப்படுகிறது.

இதற்கிடையே, போராட்டத்தின்போது சொத்துக்கள் சேதப்படுத்தப்படலாம் என அப்பகுதி வணிக நிறுவனங்கள் கவலை தெரிவித்துள்ளன. வன்முறைப் போராட்டங்களுக்கு அழைப்பு விடுப்பது ஏற்றுக்கொள்ள முடியாதது என சூரிச் நகர சபை உறுப்பினர் ரீஸ் லுஷ்னிகாவும் கருத்துத் தெரிவித்துள்ளார்.

திட்டமிடப்பட்டுள்ள போராட்டம் குறித்து அறிந்துள்ளதாகவும், பாதுகாப்புப் பணிகளுக்குப் போதிய காவல்துறை அதிகாரிகள் தயார் நிலையில் இருப்பதாகவும் சூரிச் நகர காவல்துறை தெரிவித்துள்ளது.