மீண்டும் தேசிய மின் கட்டமைப்பில் இணைந்த நுரைச்சோலை மின் பிறப்பாக்கிகள்!

கடந்த 17 ஆம் திகதியன்று நாடு முழுவதும் ஏற்பட்ட திடீர் மின்சாரத் தடையைத் தொடர்ந்து, நுரைச்சோலை அனல் மின் நிலையத்தின் மூன்று மின் பிறப்பாக்கிகளும் முற்றாகச் செயலிழந்திருந்தன.

இதனிடையே, குறித்த திடீர் பழுதைத் தொடர்ந்து பாதுகாப்பு முன்னெச்சரிக்கை நடவடிக்கையாக நுரைச்சோலை அனல் மின் நிலையத்தை உடனடியாக மின் கட்டமைப்பில் இணைக்கப் போவதில்லை எனவும், சில நாட்களுக்குப் பின்னரே இணைக்கப்படும் எனவும் தேசிய கட்டமைப்பு செயற்பாட்டாளர் தனியார் நிறுவனம் அண்மையில் அறிவித்திருந்தது.

இது போன்ற அவசர நிலைமைகளின் போது பின்பற்றப்படும் வழமையான பாதுகாப்பு வழிமுறைகளைக் கருத்திற்கொண்டே இந்தத் தீர்மானம் எடுக்கப்பட்டதாக அந்த நிறுவனம் விடுத்துள்ள அறிக்கையில் மேலும் சுட்டிக்காட்டியிருந்தது.