ஜேர்மனி: ரோபோவைப் பயன்படுத்திச் சிறுமியிடம் அத்துமீறிய சம்பவம் குறித்துப் பொலிஸார் தீவிர விசாரணை!

ரோபோவைப் பயன்படுத்தி இவ்வாறான குற்றச் செயல் இடம்பெற்றிருப்பது தங்களுக்கு முற்றிலும் புதிய அனுபவம் என ஜேர்மனிப் பொலிஸார் தெரிவித்துள்ளனர்.

கடந்த சனிக்கிழமைக்கும் ஞாயிற்றுக்கிழமைக்கும் இடைப்பட்ட இரவில், துரித உணவகம் ஒன்றுக்கு அருகிலுள்ள பகுதியில் இந்தச் சம்பவம் இடம்பெற்றுள்ளது.

சுமார் 120 சென்ரிமீற்றர் உயரமுடைய அந்த ரோபோ, வெள்ளை நிற மேலாடை, கறுப்பு நிறக் காற்சட்டை, தங்கச் சங்கிலி, சூரியக் கண்ணாடி மற்றும் போலி மீசை ஆகியவற்றுடன் அலங்கரிக்கப்பட்டிருந்தது.

அந்த ரோபோ சிறுமியின் பின்பகுதியைத் தொட்டதுடன், பாலியல் ரீதியான அசைவுகளையும் வெளிப்படுத்தியதாகத் தெரிவிக்கப்படுகிறது.