அமெரிக்காவில் இந்து கோவில் மீது துப்பாக்கிச் சூடு நடத்த முயற்சி- 19 வயது இளைஞர் கைது!

அமெரிக்காவின் கலிபோர்னியா மாகாணத்தில் உள்ள புகழ்பெற்ற இந்து கோயில் ஒன்றின் மீது 19 வயது இளைஞர் ஒருவர் தாக்குதல் நடத்த முயன்றுள்ளார். கைகளில் அதிநவீன ரைபிள் துப்பாக்கியுடன் கோயிலுக்குள் நுழைய முயன்ற அந்த நபர், பக்தர்கள் மற்றும் வழிபாட்டுத் தலங்களைக் குறிவைத்து சுட முயன்றுள்ளார்.

ஆனால், எதிர்பாராதவிதமாக அவர் கையில் வைத்திருந்த ரைபிளில் ஏற்பட்ட பழுது (Malfuntion) காரணமாக, அவரால் துப்பாக்கிச் சூடு நடத்த முடியவில்லை. இதனால் அங்கிருந்த பக்தர்கள் பெரும் உயிர்ச்சேதத்திலிருந்து அதிர்ஷ்டவசமாகத் தப்பினர்.

சம்பவ இடத்திற்கு உடனடியாக விரைந்த அமெரிக்கக் காவல்துறையினர், அந்த இளைஞரைச் சுற்றி வளைத்து அதிரடியாகக் கைது செய்தனர். முதற்கட்ட விசாரணையில், இது திட்டமிடப்பட்ட ஒரு இனவெறித் தாக்குதல் என்பது தெரியவந்துள்ளது. இச்சம்பவம் அமெரிக்காவில் வாழும் இந்தியர்கள் மற்றும் இந்து சமூகத்தினர் மத்தியில் பெரும் அதிர்ச்சியையும் அச்சத்தையும் ஏற்படுத்தியுள்ளது.