முன்னாள் கிரிக்கெட் கேப்டன் சங்கக்காரவுக்கு இனவெறி அச்சுறுத்தல் – ரையன்ஏர் நிறுவன ஊழியரின் அதிரடி கெடுபிடி!

தனது 49ஆவது பிறந்தநாளைக் கொண்டாடிவிட்டு பிரிஸ்டல் திரும்புவதற்காக டப்ளின் விமான நிலையம் சென்றிருந்த சங்கக்காரவிடம், இலங்கை கடவுச்சீட்டின் மின்னணு விசா (e-Visa) சரிபார்ப்பின் போது ரையன்ஏர் ஊழியர் ஒருவர் இனவெறித் தொனியில் பேசியுள்ளார். அத்துடன், அவர்களை விமானத்தில் ஏற அனுமதிக்கப் போவதில்லை எனவும் மிரட்டியுள்ளார்.

இதனையடுத்து ஏற்பட்ட வாக்குவாதத்தைத் தொடர்ந்து, விசா ஆவணங்களைச் சமர்ப்பிக்க சங்கக்கார மறுத்ததாக விமான நிறுவனம் குற்றஞ்சாட்டியது. எனினும், ஏற்கனவே அதிகாரிகள் சரிபார்த்த விசாக்களை மீண்டும் பதிவிறக்கக் கோரி அந்த ஊழியர் அவமரியாதையாகவும், இனவெறித் தொனியிலும் நடந்துகொண்டாரே தவிர, தான் ஆவணங்களைச் சமர்ப்பிக்க மறுக்கவில்லை என சங்கக்கார இந்த அபாண்டமான குற்றச்சாட்டை திட்டவட்டமாக நிராகரித்துள்ளார்.