சுவிட்சர்லாந்து இரயில் பாதைகளில் வெப்பத்தால் சேதம்

கடும் வெயில் காரணமாக தண்டவாளங்களின் இரும்புத் தகடுகள் அதிகமாக விரிவடைந்ததால், நாட்டின் பல்வேறு பகுதிகளில் தண்டவாளங்கள் வளைந்து மற்றும் அழுத்தம் காரணமாகச் சேதமடைந்துள்ளன. 

அதிகாரப்பூர்வ புள்ளிவிவரங்களின்படி, இந்த கோடையில் மட்டும் சுமார் 97 இடங்களில் தண்டவாளங்கள் வளைந்து சேதமடைந்துள்ளதாகக் கண்டறியப்பட்டுள்ளது. இது கடந்த ஆண்டைக் காட்டிலும் கிட்டத்தட்ட நான்கு மடங்கு அதிகமாகும். 

தண்டவாளங்களில் ஏற்படும் இந்த திடீர் வெப்ப அழுத்தமானது இரயில் போக்குவரத்தில் பெரும் தாக்கத்தை ஏற்படுத்தியுள்ளதோடு, பாதுகாப்பு அபாயங்களை உருவாக்குவதாகவும் நிபுணர்கள் எச்சரித்துள்ளனர். 

இதனைக் கட்டுப்படுத்தும் வகையில், இரயில்வே நிர்வாகம் துரித கண்காணிப்பு நடவடிக்கைகளையும், தண்டவாளங்களை மாற்றியமைக்கும் பணிகளையும் தீவிரப்படுத்தியுள்ளதாகத் தகவல்கள் வெளியாகியுள்ளன.