24 மணிநேரத்தில் கொட்டித் தீர்த்த மழை: புத்தளம், குளியாப்பிட்டிய பகுதிகளில் அதிகளவு மழைவீழ்ச்சி!

இதில் அதிகபட்சமாகப் புத்தளம் மாவட்டத்தின் கரந்திபோவல் பகுதியில் 195.7 மில்லிமீற்றர் மழைவீழ்ச்சி பதிவாகியுள்ளது. இதற்கடுத்தபடியாக குளியாப்பிட்டிய பகுதியில் 193.0 மில்லிமீற்றரும், இலுப்பைக்கடவை பகுதியில் 187.5 மில்லிமீற்றரும் மழைவீழ்ச்சி பதிவாகியுள்ளதாகத் தெரிவிக்கப்பட்டுள்ளது.

இதேவேளை, மத்திய மேற்கு வங்கக்கடல் பகுதியில் 'அர்னாப்' (ARNAB) சூறாவளி தொடர்ந்து வலுவடைந்து வருவதாகவும், இதன் காரணமாக இலங்கைக்கு மறைமுகமான தாக்கம் ஏற்படும் என்றும் வளிமண்டலவியல் திணைக்களம் எச்சரித்துள்ளது.

இதன் தாக்கத்தால் நாட்டின் வடக்கு, மேல், சப்ரகமுவ, வடமேல், மத்திய மற்றும் தென் மாகாணங்களிலும், அநுராதபுரம் மாவட்டத்திலும் தொடர்ந்து பலத்த மழை பெய்யக்கூடும் என எதிர்பார்க்கப்படுகின்றது.

எனவே, தாழ்நிலப் பகுதிகளில் வாழும் பொதுமக்கள் மற்றும் நீர்நிலைகளுக்கு அருகில் உள்ளவர்கள் அவதானத்துடன் இருக்குமாறு கேட்டுக்கொள்ளப்படுகிறார்கள்.