பொருளாதாரத்தில் சாதகமான மாற்றம்: நாட்டின் மொத்த ஏற்றுமதி 5.04 சதவீதம் அதிகரிப்பு!

இதன்படி, கடந்த ஆண்டில் 12.96 பில்லியன் அமெரிக்க டொலர்களாக இருந்த மொத்த ஏற்றுமதி வருமானம், நடப்பாண்டில் 13.61 பில்லியன் அமெரிக்க டொலர்களாக உயர்வடைந்துள்ளது. இது நாட்டின் பண்டங்கள் மற்றும் சேவைகள் ஏற்றுமதித் துறைகளில் தொடர்ந்து நிலவி வரும் நிலையான வளர்ச்சியைக் காட்டுவதாக அமைந்தது.

இலங்கை சுங்கத் திணைக்களம் மற்றும் இலங்கை ஏற்றுமதி அபிவிருத்தி சபை (EDB) ஆகியவை வெளியிட்டுள்ள தரவுகளின்படி, கடந்த ஜனவரி முதல் செப்டம்பர் வரையிலான காலப்பகுதியில் பண்ட ஏற்றுமதிகள் மட்டும் 5.35 சதவீதம் அதிகரித்து, 10.76 பில்லியன் அமெரிக்க டொலர்களை எட்டியுள்ளன.

கடந்த ஆண்டின் இதே காலப்பகுதியில் பண்ட ஏற்றுமதி மூலம் 10.22 பில்லியன் அமெரிக்க டொலர்கள் மாத்திரமே ஈட்டப்பட்டிருந்த நிலையில், நடப்பாண்டின் இந்த வளர்ச்சி நாட்டின் பொருளாதார மீட்சிக்கு வலுசேர்ப்பதாக அமைந்திருப்பதாகப் பொருளாதார வல்லுநர்கள் சுட்டிக்காட்டுகின்றனர்.