அதிவேக நெடுஞ்சாலைச் சொத்துக்கள் திருட்டு: பயணிகளின் பாதுகாப்பிற்கு அச்சுறுத்தல்!

அதிவேக நெடுஞ்சாலையில் பொருத்தப்பட்டிருந்த மின்மாற்றிகள், மின் கேபிள்கள், பாதுகாப்பு இரும்பு வேலிகள் மற்றும் மின் கம்பங்களின் பாகங்கள் போன்றவை மர்ம நபர்களால் தொடர்ச்சியாகத் திருடப்பட்டு வருகின்றன.

இந்தத் திருட்டுச் சம்பவங்களால் அதிவேக நெடுஞ்சாலையின் இரவு நேர மின்விளக்கு அமைப்புகள் பாதிக்கப்படுவதோடு, பயணிகளின் பாதுகாப்பிற்கும் கடும் அச்சுறுத்தல் ஏற்பட்டுள்ளது.

சம்பந்தப்பட்ட சந்தேகநபர்களைக் கைது செய்வதற்கும், நெடுஞ்சாலைச் சொத்துக்களைப் பாதுகாப்பதற்கும் பொலிஸார் மற்றும் பாதுகாப்புப் படையினரின் உதவியுடன் விசேட கண்காணிப்பு நடவடிக்கைகள் தீவிரப்படுத்தப்பட்டுள்ளதாக அதிகாரசபை மேலும் குறிப்பிட்டுள்ளது.