சவுதிக்கு ஆதரவளித்தால் இரும்புக்கரம் கொண்டு அடக்கப்படும்! பாகிஸ்தான், துருக்கிக்கு ஹவுதி அமைப்பினர் பகிரங்க எச்சரிக்கை!

மத்திய கிழக்கு பிராந்தியத்தில் சவுதி அரேபியா தலைமையிலான கூட்டுப் படைகளுக்கும் ஏமனின் ஹவுதி அமைப்பினருக்கும் இடையே மோதல் போக்கு நீடித்து வரும் நிலையில், ஹவுதி அமைப்பின் இந்த அதிரடி அறிக்கை சர்வதேச அளவில் பெரும் பரபரப்பை ஏற்படுத்தியுள்ளது.

சவுதி அரேபியாவின் ராணுவ நடவடிக்கைகளுக்குப் பாகிஸ்தானோ அல்லது துருக்கியோ துணை நின்றால், அவர்களின் படைகளும் பிராந்திய நலன்களும் தங்களின் தாக்குதலுக்கு இலக்காகும் என்றும், அச்சமயத்தில் இரும்புக்கரம் கொண்டு அவர்கள் அடக்கப்படுவார்கள் என்றும் ஹவுதி தலைவர்கள் தெரிவித்துள்ளனர்.

ஏற்கனவே செங்கடல் மற்றும் அதைச் சுற்றியுள்ள கடல்சார் பகுதிகளில் கப்பல்கள் மீது தாக்குதல் நடத்தி வரும் ஹவுதி அமைப்பினர், தற்போது தங்கள் தாக்குதல் எல்லையை மற்ற நாடுகளுக்கும் விரிவாக்கப் போவதாகக் மறைமுகமாக அச்சுறுத்தியுள்ளனர்.

இந்த எச்சரிக்கை தொடர்பாகப் பாகிஸ்தான் மற்றும் துருக்கி அரசாங்கங்கள் இதுவரை அதிகாரப்பூர்வப் பதில்கள் எதையும் தெரிவிக்கவில்லை. இருப்பினும், சர்வதேச அளவில் இராஜதந்திர அழுத்தங்கள் அதிகரித்துள்ளன.

ஹவுதி அமைப்பினரின் இந்த அச்சுறுத்தலைத் தொடர்ந்து, மத்திய கிழக்கு பிராந்தியத்தில் பதற்றமான சூழல் மேலும் தீவிரமடைந்துள்ளதுடன், பாதுகாப்பு நடவடிக்கைகளும் பலப்படுத்தப்பட்டு வருகின்றன.