பணிநீக்க அறிவிப்பு: 220 பேரை வேலையை விட்டு நீக்கும் சுவிட்சர்லாந்தின் Burckhardt நிறுவனம்!

இந்த மறுசீரமைப்பு நடவடிக்கையின் மூலம் உலகம் முழுவதும் 220 பணியிடங்கள் குறைக்கப்பட உள்ளன. இதில் சுவிட்சர்லாந்தின் Winterthur நகரில் அமைந்துள்ள தலைமையகத்தில் மட்டும் சுமார் 150 பணியிடங்களும், சர்வதேசக் கிளைகளில் 70 பணியிடங்களும் குறைக்கப்பட உள்ளதாகத் தெரிவிக்கப்பட்டுள்ளது.

எதிர்பார்க்கப்பட்டதை விடக் குறைந்த ஆர்டர்கள் மற்றும் உற்பத்தித் திறன் பயன்பாடு குறைந்ததே இதற்குக் காரணம் என அந்நிறுவனம் தெரிவித்துள்ளது. சர்வதேச அளவில் நிலவும் சவாலான வணிகச் சூழலில், நிறுவனத்தின் நீண்டகால வெற்றி மற்றும் போட்டித்தன்மையை உறுதி செய்யவே இந்த ஆட்குறைப்பு நடவடிக்கை எடுக்கப்படுவதாக நிறுவனத்தின் தலைமை நிர்வாக அதிகாரி Fabrice Billard குறிப்பிட்டுள்ளார். 

இந்த ஆட்குறைப்பு மற்றும் மறுசீரமைப்பு மூலம் ஆண்டுதோறும் சுமார் CHF 20 million செலவு சேமிக்கப்படும் என்றும் Burckhardt நிறுவனம் நம்பிக்கை தெரிவித்துள்ளது.