ஒன்றுபடுவோம், வெற்றி பெறுவோம்: அதிமுகவினருக்கு வி.கே. சசிகலாவின் திடீர் அழைப்பு!

அதிமுகவின் தொடர் தோல்விகளுக்கும் சறுக்கல்களுக்கும் சிலரின் சுயநலமான முடிவுகளே காரணம் என அவர் தனது அறிக்கையில் கடுமையாகக் சாடியுள்ளார்.

அதிமுக 55வது ஆண்டில் அடியெடுத்து வைத்துள்ள நிலையில், முன்னாள் இடைக்கால பொதுச்செயலாளர் வி.கே. சசிகலா வெளியிட்டுள்ள அறிக்கை தமிழக அரசியலில் பெரும் விவாதத்தை ஏற்படுத்தியுள்ளது.  

எம்.ஜி.ஆர் மற்றும் ஜெயலலிதாவால் கட்டிக் காப்பாற்றப்பட்ட இந்த இயக்கம், அவர்களின் மறைவுக்குப் பிறகு பல்வேறு தொடர் சறுக்கல்களையும் தோல்விகளையும் சந்தித்து வருவதாக அவர் குறிப்பிட்டுள்ளார்.

சிலரின் சுயநலம் மற்றும் தவறான முடிவுகளே இதற்குக் காரணம் என்று குற்றம் சாட்டியுள்ள சசிகலா, பிரிந்து சென்றவர்கள், விலக்கப்பட்டவர்கள் மற்றும் ஒதுங்கி நிற்பவர்கள் என அனைவரும் தாய்மைக் கழகமான அதிமுகவில் ஒன்றிணைய வேண்டும் என வலியுறுத்தியுள்ளார்.