எம்.ஜி.ஆர் பயோபிக்: ஜெயலலிதா ரோலில் த்ரிஷா? - கோலிவுட்டில் தீயாய் பரவும் தகவல்!

'புரட்சித் தலைவர் எம்ஜிஆர்' என்ற பெயரில் உருவாகும் இத்திரைப்படத்தை நடிகர் ஜெ.எம். பஷீர் தயாரித்து, எம்.ஜி.ஆர் கதாபாத்திரத்திலும் நடித்து வருகிறார். சமீபத்தில் செய்தியாளர்களைச் சந்தித்த அவர், எம்.ஜி.ஆரின் சினிமா மற்றும் அரசியல் பயணத்தை விவரிக்கும் இந்தப் படத்தில், ஜெயலலிதா வேடத்தில் நடிக்க த்ரிஷா பொருத்தமாக இருப்பார் என்பதால் அவரிடம் பேசி வருவதாகத் தெரிவித்தார். 

மேலும், தன் மகளும் த்ரிஷாவும் தோழிகள் என்பதால் இந்த முயற்சி மேற்கொள்ளப்பட்டுள்ளதாகவும் அவர் குறிப்பிட்டார்.  இருப்பினும், த்ரிஷா தரப்பில் இருந்து இந்தப் படத்தில் நடிப்பது குறித்த அதிகாரப்பூர்வ ஒப்புதல் இன்னும் அளிக்கப்படவில்லை. 

எம்.ஜி.ஆர் மற்றும் ஜெயலலிதாவின் திரை மற்றும் அரசியல் பயணம் குறித்த இந்தப் படத்தில் அண்ணாதுரை, கருணாநிதி போன்ற முக்கியத் தலைவர்களின் கதாபாத்திரங்களும் இடம்பெற உள்ளன.  தமிழ் சினிமாவின் உச்ச நட்சத்திரமான த்ரிஷா இந்த வரலாற்றுச் சிறப்புமிக்க கதாபாத்திரத்தில் நடிப்பாரா என்பதைப் பொறுத்திருந்துதான் பார்க்க வேண்டும்!