உணவு வீணாவதைத் தடுக்க புதிய விழிப்புணர்வு: சுவிஸில் நேற்று(12) முதல் தேசிய வாரம் பிரகடனம்!

சுவிட்சர்லாந்தில் உணவுப் பொருட்கள் வீணாவதைத் தடுக்கும் நோக்கத்துடன், அந்நாட்டின் முதலாவது 'தேசிய உணவு வீணாக்கலுக்கு எதிரான வாரம்' நேற்று (12) முதல் அதிகாரப்பூர்வமாகத் தொடங்கியுள்ளது.  

பொதுமக்களிடையே விழிப்புணர்வை ஏற்படுத்தும் வகையில் முன்னெடுக்கப்பட்டுள்ள இந்த முயற்சியின் மூலம், வீடுகளில் உணவு வீணாவதைத் தவிர்ப்பதன் வழியே சுமார் 30 மில்லியன் வேளை உணவைச் சேமிக்க முடியும் என மதிப்பிடப்பட்டுள்ளது.  

சுவிட்சர்லாந்து முழுவதும் பல்வேறு அமைப்புகள் ஒன்றிணைந்து சமையல் பயிற்சிகள், கண்காட்சிகள் மற்றும் உணவுச் சேமிப்பு விழிப்புணர்வு முகாம்களை நடத்தத் திட்டமிட்டுள்ளன.