பாதுகாப்பு மற்றும் கப்பல் கட்டும் துறையில் புதிய இலக்கு: மாபெரும் வல்லரசாக உருவெடுக்கும் இந்தியா!

இந்தியா உலகின் முக்கிய கப்பல் கட்டுமான மையமாக உருவாகும் திறன் கொண்டுள்ளது என மத்திய பாதுகாப்புத்துறை அமைச்சர் ராஜ்நாத் சிங் தெரிவித்துள்ளார்.

மேற்கு வங்காளத்தில் சுமார் 3,500 கோடி ரூபாய் மதிப்பிலான 5 திட்டங்களுக்கு அடிக்கல் நாட்டும் நிகழ்ச்சி கொல்கத்தாவில் நடைபெற்றது.

இதில் ஜி.ஆர்.எஸ்.இ. மற்றும் யந்திரா இந்தியா நிறுவனங்களின் விரிவாக்கத் திட்டங்களும் அடங்கும்.

கப்பல் கட்டுமானத் தொழில்நுட்பம் வேகமாக வளர்ந்து வருவதால், புதிய தொழில்நுட்பங்களை ஏற்றுக்கொண்டு இந்தியா இந்த வாய்ப்பைப் பயன்படுத்திக் கொள்ள வேண்டும் என ராஜ்நாத் சிங் கூறினார்.

இதனிடையே, ஜி.ஆர்.எஸ்.இ. நிறுவனம் 2,500 கோடி ரூபாய்க்கும் மேல் முதலீட்டில் கப்பல் கட்டுமான மையத்தையும், யந்திரா இந்தியா 750 கோடி ரூபாய்க்கும் மேல் முதலீட்டில் 2 புதிய தொழிற்சாலைகளையும் அமைக்க உள்ளது.

இந்தத் திட்டங்கள் வேலைவாய்ப்பையும், சிறு, குறு மற்றும் நடுத்தர நிறுவனங்களுக்கான வாய்ப்புகளையும் அதிகரிக்கும் என தெரிவிக்கப்பட்டுள்ளது.