இனி வாரத்தில் 3 நாட்கள் மட்டுமே வேலை?.. AIகுறித்து ஜெப் பெசோஸ் கணிப்பு!

செயற்கை நுண்ணறிவு (AI) தொழில்நுட்பத்தின் அதீத வளர்ச்சி உலகம் முழுவதும் பல்வேறு மாற்றங்களை ஏற்படுத்தி வரும் நிலையில், இது குறித்து அமேசான் நிறுவனத்தின் நிறுவனர் ஜெப் பெசோஸ் தெரிவித்துள்ள கருத்துகள் தற்போது உலக அளவில் பெரும் விவாதத்தை ஏற்படுத்தியுள்ளன.

எதிர்காலத்தில் AI தொழில்நுட்பத்தை முழுமையாகக் கற்றுத் தேர்ச்சி பெறும் நபர்களால், தங்களது அலுவலகப் பணிகளை மிகக் குறுகிய காலத்தில் முடிக்க முடியும் என்று ஜெப் பெசோஸ் குறிப்பிட்டுள்ளார். இதன் காரணமாக, பணியாளர்கள் இனி வாரத்திற்கு 3 நாட்கள் மட்டுமே வேலை செய்யும் பொற்காலம் உருவாகும் என அவர் நம்பிக்கை தெரிவித்துள்ளார்.

வழக்கமான வேலைகளில் மனிதர்களின் சுமையைக் குறைக்க AI பெரும் உதவியாக இருக்கும் என்றும், இதனால் பணியாளர்களின் வாழ்க்கை மற்றும் பணிக்கு இடையேயான சமநிலை மேம்படும் என்றும் அவர் சுட்டிக்காட்டியுள்ளார். தொழில்நுட்ப உலகைத் திரும்பிப் பார்க்க வைத்துள்ள ஜெப் பெசோஸின் இந்தக் கருத்து, வேலைவாய்ப்பு மற்றும் கார்ப்பரேட் துறையில் பெரும் வரவேற்பைப் பெற்றுள்ளது.