Valais மாகாணத்தில் தொலைபேசி மோசடி அலை – ஒரு வாரத்தில் 150,000 பிராங்க் இழப்பு

கடந்த ஒரு வாரத்தில் சுமார் 30 மோசடி முயற்சிகள் அல்லது வெற்றிகரமாக நடைபெற்ற மோசடுகள் தொடர்பாக காவல்துறையிடம் பதிவாகியுள்ளன.

மோசடிக்காரர்கள் காவல்துறை அதிகாரிகள், வங்கி ஊழியர்கள் அல்லது நிறுவனங்களின் பிரதிநிதிகள் போல் தொலைபேசியில் தொடர்பு கொள்கின்றனர். சில சந்தர்ப்பங்களில், அழைப்பாளர் அடையாள எண்ணையும் மாற்றி, உண்மையான நிறுவனத்திலிருந்து அழைப்பு வருவது போல் காட்டியுள்ளனர்.

பின்னர், அவசர நிலையை உருவாக்கி, பணம், வங்கி அட்டைகள் அல்லது ரகசிய PIN குறியீடுகளை ஒப்படைக்குமாறு அவர்கள் அழுத்தம் கொடுப்பதாக காவல்துறை தெரிவித்துள்ளது.

தொலைபேசியில் பேசுபவர் யார் என்பதில் சந்தேகம் ஏற்பட்டால், உடனடியாக அழைப்பைத் துண்டித்து, சம்பந்தப்பட்ட நிறுவனம் அல்லது அமைப்பின் நம்பகமான அதிகாரப்பூர்வ தொலைபேசி எண்ணைத் தேடி, நீங்களே மீண்டும் அழைக்குமாறு காவல்துறை அறிவுறுத்தியுள்ளது.

மேலும், தொலைபேசியில் யாரிடமும் PIN குறியீடு அல்லது வங்கி தகவல்களை வழங்க வேண்டாம் என்றும் பொதுமக்கள் எச்சரிக்கப்பட்டுள்ளனர்.