பிரேசில் அதிபர் லூலா டா சில்வாவுக்கு ஜனாதிபதி அநுரகுமார திசாநாயக்க வாழ்த்து!

தனது அதிகாரப்பூர்வ எக்ஸ் (X) சமூக வலைத்தளப் பக்கத்தில் பதிவொன்றை வெளியிட்டுள்ள ஜனாதிபதி அநுரகுமார திசாநாயக்க, ஊழல், சமூகப் பிரிவினைகள் மற்றும் அரசியல் பொய்களுக்கு எதிராகப் பிரேசில் மக்கள் பெற்ற வெற்றியாக இது அமைந்துள்ளது எனக் குறிப்பிட்டுள்ளார்.

சட்டத்தை விட அதிகாரமே உயர்ந்தது என்று கருதும் கடந்த கால சக்திகளாலும், தோல்வியடைந்த அரசியல் பரம்பரைகளாலும் மக்களை இனி ஏமாற்ற முடியாது என்பதை லூலாவின் இந்த வரலாற்றுச் சிறப்புமிக்க வெற்றி நிரூபித்துள்ளதாக ஜனாதிபதி தெரிவித்துள்ளார்.

மேலும், பிரேசிலை மீண்டும் முன்னேற்றப் பாதையில் வழிநடத்திச் செல்ல லூலா டா சில்வாவுக்குத் தனது உளப்பூர்வமான நல்வாழ்த்துகளையும் ஜனாதிபதி அநுரகுமார திசாநாயக்க பகிர்ந்து கொண்டுள்ளார்.