சுவிட்சர்லாந்தில் வரலாறு காணாத வெப்பம்: 1864-க்குப் பிறகு மிக மோசமான கோடைகாலம் என அதிகாரப்பூர்வ அறிவிப்பு!

கடந்த ஜூன் முதல் ஆகஸ்ட் வரையிலான காலகட்டத்தில் நாட்டின் சராசரி வெப்பநிலை 17.2 டிகிரி செல்சியஸை எட்டியுள்ளது. இது, கடந்த 2003-ஆம் ஆண்டு பதிவான வரலாற்று வெப்ப சாதனையை விட 0.4 டிகிரி செல்சியஸ் அதிகமாகும்.  

வழக்கம் போல பதிவாகும் சராசரி வெப்பநிலையை விட, இந்த ஆண்டு சுவிட்சர்லாந்து முழுவதும் 3.4 டிகிரி செல்சியஸ் கூடுதல் வெப்பம் பதிவாகியுள்ளது.சுவிட்சர்லாந்தின் Basel-Binningen பகுதியில் அதிகபட்சமாக 39.7 டிகிரி செல்சியஸ் வரை வெப்பநிலை உயர்ந்து அதிர்ச்சியை ஏற்படுத்தியுள்ளது.

நாட்டில் உள்ள 30 வானிலை ஆய்வு மையங்களில் இதுவரை இல்லாத அளவிலான புதிய உச்சகட்ட வெப்பமான நாட்கள் பதிவாகியுள்ளன.வழக்கத்தை விட மழைப்பொழிவு 60 சதவீதத்திற்கும் குறைவாகக் சரிந்ததால், நிலத்தடி நீர்மட்டம் வெகுவாகக் குறைந்து நதிகள், ஏரிகள் மற்றும் விவசாய நிலங்கள் கடுமையான வறட்சியைச் சந்தித்து வருகின்றன.  

காலநிலை மாற்றத்தின் தீவிரப் போக்கை வெளிப்படுத்தும் விதமாக அமைந்துள்ள இந்தத் தரவுகள், சுவிட்சர்லாந்தின் இயற்கைச் சூழலியல் மற்றும் குடிநீர் ஆதாரங்களில் பெரும் தாக்கத்தை ஏற்படுத்தக்கூடும் என வல்லுநர்கள் எச்சரித்துள்ளனர்.