"நீதிமன்றத்தின் மீது மட்டுமே நம்பிக்கை வையுங்கள்; யாரையும் பழிவாங்க வேண்டாம்" - நாமல் ராஜபக்ஷவுக்கு மஹிந்த கடிதம்!

அக்கடிதத்தில், "நீதிமன்றத்தின் மீது மட்டுமே முழுமையான நம்பிக்கை வையுங்கள்; சிறைவாசம் மற்றும் துயரங்களை எதிர்கொள்ளத் தயாராகவே அரசியலில் ஈடுபட வேண்டும்" என மஹிந்த ராஜபக்ஷ குறிப்பிட்டுள்ளார். 

தான் அரசியலுக்கு வந்த காலகட்டத்தில் எதிர்நோக்கிய சிறைவாசம் குறித்து நினைவுகூர்ந்துள்ள அவர், ராஜபக்ஷக்களின் பாரம்பரியம் பழிவாங்கும் வழிமுறை அல்ல என்பதையும் சுட்டிக்காட்டியுள்ளார்.

தற்போது தானும் மனைவியும் நவலோக மருத்துவமனையில் அனுமதிக்கப்பட்டுள்ளதாகத் தெரிவித்துள்ள அவர், யோஷித மற்றும் ரோஹித இருவரும் நலம் விசாரித்து வருவதாகவும் குறிப்பிட்டுள்ளார். 

மேலும், "பழிவாங்காதிருப்பதே ராஜபக்ஷக்களின் வழிமுறையும் பாரம்பரியமுமாகும். மக்கள் நன்றியுணர்வுள்ள சமூகம் என எண்ணிச் செயற்படுங்கள்" எனத் தனது மகனை அவர் ஊக்கப்படுத்தியுள்ளதாக அக்கடிதத்தில் தெரிவிக்கப்பட்டுள்ளது.