Salt வாடிக்கையாளர்களின் தகவல்கள் திருட்டு

வாடிக்கையாளர்களின் பெயர்கள், பிறந்த திகதிகள், தபால் முகவரிகள், மின்னஞ்சல் முகவரிகள் மற்றும் கைபேசி இலக்கங்கள் உள்ளிட்ட தகவல்கள் திருடப்பட்டுள்ளதாக நிறுவனம் தெரிவித்துள்ளது.

எனினும், கடவுச்சொற்கள் மற்றும் வங்கித் தகவல்கள் எதுவும் களவாடப்படவில்லை என Salt கூறியுள்ளது.

அதேவேளை, சந்தேகத்திற்கிடமான குறுஞ்செய்திகள் மற்றும் மின்னஞ்சல்கள் தொடர்பில் வாடிக்கையாளர்கள் எச்சரிக்கையுடன் இருக்குமாறும் நிறுவனம் அறிவுறுத்தியுள்ளது.

இந்தச் சம்பவத்தால் எத்தனை பேர் பாதிக்கப்பட்டுள்ளனர் என்பதையோ, இணைய ஊடுருவல் எப்போது இடம்பெற்றது என்பதையோ Salt இதுவரை வெளியிடவில்லை.

இந்த விவகாரம் தொடர்பில் சுவிட்சர்லாந்தின் மத்திய தரவுப் பாதுகாப்பு ஆணையருக்கும் Salt தன்னார்வ அடிப்படையில் தகவல் வழங்கியுள்ளது.