ICCயின் அண்மைய தரவரிசையில் சமரி அதபத்து முன்னேற்றம்!

ஐக்கிய அரபு அமீரகத்தில் (UAE) மகளிருக்கான ஆசியக் கிண்ணத் தொடர் தொடங்கியுள்ளது.

இதன் தொடக்க வார இறுதியில் வெளிப்பட்ட சிறப்பான ஆட்டத்திறன் காரணமாக ICC மகளிர் டி20 சர்வதேச (T20I) வீராங்கனைகள் தரவரிசையில் குறிப்பிடத்தக்க மாற்றங்கள் ஏற்பட்டுள்ளன.

ஐக்கிய அரபு அமீரகத்திற்கு எதிரான போட்டியில் இலங்கை அணி ஒன்பது விக்கெட் வித்தியாசத்தில் வெற்றி பெற்றது.

இந்த ஆட்டத்தில் ​​25 பந்துகளில் ஆட்டமிழக்காமல் 48 ஓட்டங்கள் குவித்ததோடு 3 ஓவர்களில் 10 ஓட்டங்கள் விட்டுக்கொடுத்து ஒரு விக்கெட்டையும் வீழ்த்திய இலங்கை அணித் தலைவி சமரி அதபத்து, இந்த வார தரவரிசை முன்னேற்றத்தில் முன்னிலை வகிக்கிறார்.

அவரது சிறப்பான ஆட்டத்திறன், ஐசிசி மகளிர் டி20 சர்வதேச துடுப்பாட்ட தரவரிசையில் ஆறாவது இடத்தைத் தக்கவைத்துக்கொள்ளவும், பந்துவீச்சு தரவரிசையில் மூன்று இடங்கள் முன்னேறி 33 ஆவது இடத்தைப் பிடிக்கவும்,

துடுப்பாட்டத்தில் 734, பந்துவீச்சில் 552 மற்றும் சகலதுறை வீரர்கள் பிரிவில் 405 என, மூன்று பிரிவுகளிலும் தனது தொழில் வாழ்க்கையிலேயே மிகச்சிறந்த தரவரிசைப் புள்ளிகளை எட்டியதே அவரது முக்கிய சாதனையாகும்.