ஹார்முஸ் ஜலசந்தியில் கப்பல் விபத்து – கடலில் மிதந்த ஐபோன்கள்.!

ஐக்கிய அரபு அமீரகத்திலிருந்து புறப்பட்டு வந்த, சிங்கப்பூர் கொடியுடன் பயணித்த ‘ஜி.எஃப்.எஸ். பிரைட்’ என்ற சரக்குக் கப்பலில் சுமார் 2,500 சரக்குப் பெட்டிகள் இருந்ததாகச் செய்தி தெரிவிக்கிறது. கப்பல் கடல் கண்ணிவெடியில் சிக்கியதைத் தொடர்ந்து தீப்பிடித்து மூழ்கியதாகக் கூறப்படுகிறது.

இதையடுத்து, கடலில் மிதந்த ஐபோன்கள் மற்றும் வாசனைத் திரவியங்களைச் சிறிய படகுகளில் சென்ற சிலர் சேகரிக்கும் காட்சிகள் இணையத்தில் பரவி வருகின்றன. இந்தக் காட்சிகள் ஹார்முஸ் ஜலசந்தியில் எடுக்கப்பட்டதாகக் கூறப்பட்டாலும், அவற்றின் முழுமையான பின்னணி தனியாக உறுதிப்படுத்தப்படவில்லை.

ஏற்கெனவே பதற்றம் நிலவும் ஹார்முஸ் ஜலசந்தியில், கப்பல் போக்குவரத்துக்கான பாதுகாப்பு குறித்த கவலைகளையும் இந்தச் சம்பவம் அதிகரித்துள்ளது.