இலங்கையில் வேலையின்மை விகிதம் 4% ஆக அதிகரிப்பு: புள்ளிவிபரவியல் திணைக்களம் அறிக்கை!

இது கடந்த ஆண்டின் இதே காலப்பகுதியுடன் ஒப்பிடுகையில் 0.2 சதவீதமும், நடப்பு ஆண்டின் முதலாவது காலாண்டுடன் ஒப்பிடுகையில் 0.3 சதவீதமும் அதிகரிப்பாகும். இதன்படி, நாட்டில் வேலைவாய்ப்பின்றி உள்ள நபர்களின் எண்ணிக்கை 3,40,240 ஆக மதிப்பிடப்பட்டுள்ளது. இதில் ஆண்களின் வேலையின்மை 2.8 சதவீதமாகவும், பெண்களின் வேலையின்மை 6.1 சதவீதமாகவும் பதிவாகியுள்ளது.

குறிப்பாக 15 முதல் 24 வயதுக்குட்பட்ட இளைஞர்களிடையேயே அதிகளவில் வேலைவாய்ப்பின்மை காணப்படுகிறது. அதேவேளையில், நாட்டின் தொழிலாளர் படை (Labor Force) கடந்த ஆண்டின் 49.3 சதவீதத்தில் இருந்து நடப்பு ஆண்டின் இரண்டாம் காலாண்டில் 50 சதவீதமாக உயர்ந்துள்ளது குறிப்பிடத்தக்கது.