நிட்டம்புவ நகரில் திடீர் தீ விபத்து: வர்த்தக நிலையத்தில் தீ பரவல்!

கட்டடத்தில் இருந்து தீ மற்றும் புகை அதிகளவில் வெளியேறியதையடுத்து, உடனடியாகச் செயற்பட்ட நிட்டம்புவ பொலிஸார் மற்றும் தீயணைப்புப் படையினர், தீயைக் கட்டுப்படுத்தும் பணியில் ஈடுபட்டுள்ளனர். இதற்காக 3 தீயணைப்பு வாகனங்கள் சம்பவ இடத்திற்கு அனுப்பி வைக்கப்பட்டுள்ளன.

இந்தத் தீ விபத்தில் உயிர்ச்சேதம் எதுவும் ஏற்படவில்லை எனப் பொலிஸார் உறுதிப்படுத்தியுள்ளனர். எனினும், தீ பரவியதற்கான காரணம் இதுவரை கண்டறியப்படவில்லை என்பதுடன், சம்பவம் தொடர்பில் நிட்டம்புவ பொலிஸார் மேலதிக விசாரணைகளை மேற்கொண்டு வருகின்றனர்.