வேகக் கட்டுப்பாட்டுக்காக ட்ரோன்களைப் பயன்படுத்தும் சுவிட்சர்லாந்தின் செயின்ட் கேலன் மாகாணம்!

குறிப்பாக, டோகன்பர்க் மற்றும் டோஸ்டால் பள்ளத்தாக்குகளுக்கு இடையே உள்ள ஹல்ஃப்டெக் செல்லும் மலைப்பாதையில், வாகனங்களின் வேகத்தைக் கண்காணிக்க இந்தத் தொழில்நுட்பம் பயன்படுத்தப்படுகிறது.

இந்த ஆண்டின் தொடக்கத்திலிருந்து ட்ரோன் கண்காணிப்பு நடவடிக்கைகள் மேற்கொள்ளப்பட்டு வருகின்றன. வானிலிருந்து எடுக்கப்படும் காணொளிக் காட்சிகளின் அடிப்படையில், வாகனம் பயணிக்கும் தூரத்தையும் அதற்கான நேரத்தையும் கணக்கிட்டு அதன் வேகம் தீர்மானிக்கப்படுகிறது.

இந்த ஆண்டு இதுவரை ஆறு ட்ரோன் சோதனைகள் நடத்தப்பட்டுள்ளன. அவற்றில் இரண்டு அதிவேக விதிமீறல்கள் கண்டறியப்பட்டதாக செயின்ட் கேலன் மாகாண காவல்துறை தெரிவித்துள்ளது.