சுவிஸ் மனைச் சந்தை விலை உயர்வு!

வட்டி விகிதங்கள் ஓரளவு சாதகமாக இருந்தபோதிலும், வீடுகளின் விலை உச்சத்தில் இருப்பது சாதாரண நடுத்தரக் குடும்பங்களைச் கவலையில் ஆழ்த்தியுள்ளது. குறிப்பாக, அடுக்குமாடி குடியிருப்புகள் மற்றும் தனிநபர் வீடுகளுக்கு மவுசு குறையவில்லை.

முதலீட்டாளர்கள் தொடர்ந்து இதுபோன்ற சொத்துக்களில் முதலீடு செய்ய ஆர்வம் காட்டுவதால், விலையேற்றம் தவிர்க்க முடியாததாகிவிட்டது.

இதன் காரணமாக, பலரும் வாடகை வீடுகளையே நாடுகின்றனர். இதனால் சுவிட்சர்லாந்தின் வாடகைச் சந்தையிலும் கடுமையான போட்டி நிலவி வருகிறது. விலை உயர்வு வேகம் சற்று மிதமடைந்தாலும், வீடுகளின் விலை உச்சத்திலேயே தொடர்வது வாங்குவோருக்குப் பெரும் சவாலாகவே உள்ளது.