சுவிட்சர்லாந்து: அனைத்துத் துறைகளிலும் 2.5% ஊதிய உயர்வு வழங்க தொழிற்சங்கம் வலியுறுத்தல்

சுவிட்சர்லாந்தில் ஊழியர்களின் வாங்கும் திறனை அதிகரிக்கவும், உற்பத்தித் திறனுக்கு இணையான ஊதியத்தை வழங்கவும் அனைத்துத் துறைகளிலும் 2.5 சதவீத ஊதிய உயர்வை வழங்க வேண்டும் என்று அந்நாட்டின் முன்னணி தொழிற்சங்க கூட்டமைப்பு (SGB) அரசு மற்றும் தனியார் நிறுவனங்களுக்குக் கோரிக்கை விடுத்துள்ளது.

சுவிஸ் தொழிற்சங்க கூட்டமைப்பு வெளியிட்ட சமீபத்திய அறிக்கையில், கடந்த பத்து ஆண்டுகளில் நாட்டின் உற்பத்தித்திறன் கணிசமாக அதிகரித்துள்ளபோதிலும், சாதாரண ஊழியர்களின் உண்மையான ஊதிய வளர்ச்சி மிகக் குறைவாகவே உள்ளது என்று சுட்டிக்காட்டப்பட்டுள்ளது.

 சுகாதாரத் துறை, உணவகங்கள் மற்றும் போக்குவரத்து போன்ற முக்கியத் துறைகளில் வழங்கப்பட்ட ஊதிய உயர்வு, வாழ்க்கைச் செலவினங்களின் உயர்வை ஈடுகட்ட போதுமானதாக இல்லை என்று தொழிற்சங்கங்கள் குறை கூறியுள்ளன.