இந்தோனேசியக் கடல் பகுதியில் கொடூரம்: பயணிகள் கப்பல் மூழ்கி 100+ பேர் மாயம்!

இந்தோனேசியாவில் 243 பயணிகளுடன் சென்ற பயணிகள் கப்பல் மூழ்கியதைத் தொடர்ந்து, காணாமல் போன 100-க்கும் மேற்பட்டோரை மீட்கும் பணியில் அந்நாட்டின் மீட்புக் குழுவினர் தீவிரமாக ஈடுபட்டு வருகின்றனர்.

'விர்கோ டிரான்ஸ்போர்ட் 8' என்ற அந்தப் பயணிகள் கப்பல், தனது பயணத் திட்டத்தின் இடையே கட்டுப்பாட்டு மையத்துடனான தொடர்பை திடீரென இழந்தது. கப்பலில் மொத்தம் 243 பேர் இருந்ததாகக் கூறப்படும் நிலையில், தொடர்பிழந்த சில நிமிடங்களிலேயே கப்பல் கடலில் மூழ்கியதாக முதற்கட்ட தகவல்கள் தெரிவிக்கின்றன.

தகவல் அறிந்தவுடன் கடலோரக் காவல் படை மற்றும் தேசிய மீட்புக் குழுவினர் சம்பவ இடத்திற்கு விரைந்து சென்று ஹெலிகாப்டர்கள் மற்றும் படகுகள் மூலம் மீட்பு நடவடிக்கையைத் தொடங்கினர். இதுவரை சில பயணிகள் பாதுகாப்பாக மீட்கப்பட்டுள்ள போதிலும், 100-க்கும் மேற்பட்டோரின் நிலை என்னவென்று தெரியவில்லை.

மோசமான வானிலை மற்றும் கடல் அலையின் சீற்றம் காரணமாக தேடுதல் பணியில் தொய்வு ஏற்பட்டுள்ளதாகவும், எஞ்சியவர்களை மீட்கும் முயற்சிகள் தொடர்ந்து நள்ளிரவிலும் நடைபெற்று வருவதாகவும் மீட்புப் படையினர் தெரிவித்துள்ளனர். விபத்துக்கான காரணம் குறித்து அதிகாரப்பூர்வ விசாரணைக்கு உத்தரவிடப்பட்டுள்ளது.