புசல்லாவ தொரகல பகுதியில் சோகம்: பெண் வெட்டிக்கொலை; வாலிபர் தூக்கில் சடலமாக மீட்பு!

புசல்லாவ பொலிஸ் பிரிவிற்குட்பட்ட தொரகல பகுதியில் பெண்ணொருவர் கூரிய ஆயுதத்தால் வெட்டிப் படுகொலை செய்யப்பட்டுள்ளார். 119 அவசர தொலைபேசி இலக்கத்திற்கு கிடைத்த தகவலின் அடிப்படையில் சம்பவ இடத்திற்கு விரைந்த பொலிஸார் விசாரணைகளை முன்னெடுத்தனர்.

விசாரணையில், 38 வயதான பெண்ணே இவ்வாறு படுகொலை செய்யப்பட்டுள்ளார் என்பதும், வீட்டின் பின்பகுதியில் குருநாகல் பகுதியைச் சேர்ந்த ஆண் ஒருவர் தூக்கில் தொங்கிய நிலையில் சடலமாக மீட்கப்பட்டுள்ளார் என்பதும் தெரியவந்துள்ளது.

கொலையுண்ட பெண் முதல் கணவரைப் பிரிந்து தனியாக வசித்து வந்த நிலையில், தற்கொலை செய்துகொண்ட குருநாகல் நபரை மறுமணம் செய்துகொள்ளும் நோக்கில் இருவரும் அந்த வீட்டிலேயே ஒன்றாக வசித்து வந்துள்ளனர். இந்த இரண்டு மரணங்களுக்குமான பின்னணி மற்றும் காரணம் இதுவரை கண்டறியப்படாத நிலையில், புசல்லாவ பொலிஸார் தீவிர மேலதிக விசாரணைகளை மேற்கொண்டு வருகின்றனர்.