காங்கோவில் சோகம்: ஏரியில் வர்த்தகர்களை ஏற்றிச் சென்ற படகு கவிழ்ந்து 12 பேர் பரிதாப பலி!

காங்கோவில் அமைந்துள்ள ஏரிப் பகுதியில் வழக்கமான வணிகப் பணிகளுக்காக வர்த்தகர்கள் மற்றும் அவர்களின் விற்பனைப் பொருட்களை ஏற்றிச் சென்றபோது இந்தத் திடீர் விபத்து ஏற்பட்டுள்ளது. படகில் கொள்ளளவை விட அதிகமான ஆட்களை ஏற்றிச் சென்றதும், போதிய பாதுகாப்பு உபகரணங்கள் இல்லாததுமே விபத்துக்கு முக்கியக் காரணம் என முதற்கட்ட விசாரணையில் தெரியவந்துள்ளது.

விபத்து குறித்துத் தகவலறிந்து சம்பவ இடத்திற்கு விரைந்த மீட்புக் குழுவினர், இதுவரை 12 பேரின் உடல்களை மீட்டுள்ளனர். மேலும் நீரில் மூழ்கி மாயமான பலரைத் தேடும் பணி தீவிரமாக நடைபெற்று வருகிறது. இதனால் பலி எண்ணிக்கை மேலும் உயரக்கூடும் என அஞ்சப்படுகிறது.

காங்கோவில் ஆறுகள் மற்றும் ஏரிகள் வழியிலான படகுப் போக்குவரத்து முக்கியப் பங்க வகிக்கும் நிலையில், பராமரிப்பின்மை மற்றும் அதிகளவில் ஆட்களை ஏற்றுவது போன்ற காரணங்களால் இதுபோன்ற படகு விபத்துகள் தொடர்கதையாகி வருவது குறிப்பிடத்தக்கது.