அணுக்கரு இணைவு தொழில்நுட்பத்தில் அபார வளர்ச்சி: வரம்பற்ற மின்சார உற்பத்தியை நோக்கி இந்தியா!

எதிர்கால ஆற்றல் தேவையைப் பூர்த்தி செய்யும் நோக்கில், சூரியனில் ஆற்றல் உருவாகும் அதே அணுக்கரு இணைவு முறையைப் பயன்படுத்தி பூமிக்குள்ளேயே அளப்பரிய மின்சாரத்தை உற்பத்தி செய்யும் திட்டத்தில் இந்திய விஞ்ஞானிகள் தீவிரமாக ஈடுபட்டு வருகின்றனர்.

இதன் ஒரு பகுதியாக, காந்திநகரில் உள்ள பிளாஸ்மா ஆராய்ச்சி நிறுவனத்தின் ‘ஆதித்யா-டொகமாக்’சாதனத்தில் பிளாஸ்மாவை மிக அதிக வெப்பநிலையில் நீண்ட நேரம் நிலைநிறுத்திப் பராமரிக்கும் சோதனையில் விஞ்ஞானிகள் மாபெரும் வெற்றியடைந்துள்ளனர்.

இந்த வரலாற்றுச் சாதனை குறித்து பிளாஸ்மா ஆராய்ச்சி நிறுவனத்தின் முதன்மை விஞ்ஞானிகள் கூறியுள்ளதாவது:

"தூய்மையான மற்றும் முடிவில்லாத ஆற்றலை உற்பத்தி செய்வதற்கான நமது பயணத்தில் இந்தச் சாதனை ஒரு திருப்புமுனையாகும். அணுக்கரு இணைவு தொழில்நுட்பத்தில் இந்தியா தன்னிறைவு அடைவதற்கும், எதிர்கால சுத்தமான ஆற்றல் தேவைகளுக்கும் இது மிகப்பெரிய அடித்தளமாக அமையும்," எனக் குறிப்பிட்டுள்ளனர்.

சுற்றுச்சூழலுக்குப் பாதிப்பில்லாத, கதிர்வீச்சுப் அபாயமற்ற மற்றும் வரம்பற்ற ஆற்றலை வழங்கும் இந்தத் தொழில்நுட்பத்தில் இந்திய விஞ்ஞானிகள் அடைந்துள்ள இந்த வெற்றிக்குத் தேசிய மற்றும் சர்வதேச அளவிலான அறிவியல் சமூகம் தனது பாராட்டுகளைத் தெரிவித்து வருகிறது.