முத்தரப்பு ஒருநாள் தொடர்: இலங்கை அணிக்கு 306 ஓட்டங்களை இலக்காக நிர்ணயித்தது பாகிஸ்தான்!

ராவல்பிண்டி மைதானத்தில் நடைபெற்று வரும் இப்போட்டியில் நாணயச்சுழற்சியில் வெற்றி பெற்ற இலங்கை அணி முதலில் பந்துவீசத் தீர்மானித்தது. இதற்கமைய முதலில் துடுப்பாடிய பாகிஸ்தான் அணி 49.5 ஓவர்களில் அனைத்து விக்கெட்டுகளையும் இழந்து 305 ஓட்டங்களைப் பெற்றது. பாகிஸ்தான் அணி சார்பில் அதிரடியாகத் துடுப்பாடிய சல்மான் ஆஹா அதிகபட்சமாக 107 ஓட்டங்களைக் குவித்தார்.

தற்போது 306 ஓட்டங்கள் என்ற கடினமான வெற்றியிலக்கை நோக்கி இலங்கை அணி பதிலுக்குத் துடுப்பெடுத்தாட ஆயத்தமாகி வருகிறது. இப்போட்டியில் குசல் மெண்டிஸ் இலங்கை அணியையும், ஷஹீன் அப்ரிடி பாகிஸ்தான் அணியையும் வழிநடத்துகின்றனர் என்பது குறிப்பிடத்தக்கது.