ஐ.நா. மனித உரிமைகள் பேரவையின் 63ஆவது கூட்டத்தொடர் அடுத்த மாதம் ஆரம்பம்

ஐக்கிய நாடுகள் மனித உரிமைகள் பேரவையின் 63ஆவது வழக்கமான கூட்டத்தொடர் சுவிட்சர்லாந்தின் ஜெனீவா நகரில் உள்ள 'பலைஸ் டெஸ் நேஷன்ஸ்' வளாகத்தில் அடுத்த மாதம் 7ஆம் திகதி தொடங்கவுள்ளது.

செப்டம்பர் 7ஆம் திகதி முதல் அக்டோபர் 7ஆம் திகதி வரை ஒரு மாத காலத்திற்கு நடைபெறவுள்ள இந்தக் கூட்டத்தொடரில் உலக நாடுகளின் மனித உரிமைச் சூழல்கள், அடிப்படை உரிமைகள் மீறல் மற்றும் மனித உரிமைப் பாதுகாவலர்களின் பாதுகாப்பு தொடர்பான பல முக்கிய அறிக்கைகள் சமர்ப்பிக்கப்பட்டு விவாதிக்கப்படவுள்ளன.

குறிப்பாக, மோதல்கள் நிலவும் பல்வேறு பிராந்தியங்களின் தற்போதைய நிலைமைகள் குறித்து விசேட கவனஞ்செலுத்தப்படவுள்ளதுடன், சர்வதேச அமைப்புகளின் பிரதிநிதிகள் மற்றும் அரச சார்பற்ற நிறுவனங்களின் பங்கேற்புடன் பல முக்கிய தீர்மானங்களும் இதன்போது முன்வைக்கப்படவுள்ளன.