கரீபியனில் அமெரிக்க இராணுவம் அதிரடித் தாக்குதல்: போதைப்பொருள் கடத்தல் கப்பலில் 4 பேர் பலி!

லத்தீன் அமெரிக்காவில் இயங்கி வரும் சர்வதேச போதைப்பொருள் கடத்தல் கும்பல்களுக்கு எதிராக டிரம்ப் நிர்வாகம் மேற்கொண்டு வரும் பல மாத காலத் தீவிர நடவடிக்கைகளின் தொடர்ச்சியாக இந்த அண்மைய தாக்குதல் நடத்தப்பட்டுள்ளது.

சுமார் ஓராண்டுக்கு முன்பிருந்து ‘போதைப்பொருள் பயங்கரவாதிகள்’ என்று அடையாளப்படுத்தப்பட்டவர்களை இலக்கு வைத்து அமெரிக்க நிர்வாகம் தீவிர தாக்குதல்களை நடத்தி வருகிறது.

அமெரிக்க இராணுவத்தால் இதுவரை நடத்தப்பட்டுள்ள 69 படகுத் தாக்குதல்களில் பலியானோரின் எண்ணிக்கை இந்தச் சம்பவத்துடன் சேர்த்து குறைந்தது 231 ஆக உயர்ந்துள்ளது.

கிழக்கு பசிபிக் பெருங்கடல் மற்றும் கரீபியன் கடலில் போதைப்பொருள் கடத்தலுக்குப் பயன்படுத்தப்படும் முக்கிய வழிகளைக் கண்டறிந்து, குற்றம் சாட்டப்பட்ட கடத்தல்காரர்களைக் குறிவைத்து இராணுவம் தொடர் நடவடிக்கைகளை மேற்கொண்டு வருவதாகத் தெரிவிக்கப்பட்டுள்ளது.

அமெரிக்காவின் இந்த அதிரடித் தாக்குதல்கள் கரீபியன் மற்றும் லத்தீன் அமெரிக்க எல்லைப் பகுதியில் பெரும் பரபரப்பை ஏற்படுத்தியுள்ளன.