வானிலை எச்சரிக்கை: 100 மி.மீக்கும் அதிகமான பலத்த மழைக்கு சாத்தியம்!

இத் தொகுதி மேலும் வலுவடைந்து, ஒக்டோபர் 26 ஆம் திகதி காலை வேளையில் புயலாகவும், ஒக்டோபர் 27 ஆம் திகதி தீவிரப் புயலாகவும் உருவெடுக்கக்கூடும் என எதிர்பார்க்கப்படுகின்றது.

இதனால் இலங்கைக்கு நேரடிப் பாதிப்பு எதுவுமில்லை என்ற போதிலும், காற்றின் போக்கில் ஏற்படும் மாற்றங்கள் காரணமாக நாட்டின் தென்மேற்குப் பகுதிகளில் மழை வீழ்ச்சி அதிகரிக்கக்கூடும்.

இதற்கமைய, மேல், சப்ரகமுவ, தென், வடமேற்கு மற்றும் வடக்கு மாகாணங்களிலும், கண்டி, நுவரெலியா, அநுராதபுரம் மாவட்டங்களிலும் அவ்வப்போது இடியுடன் கூடிய மழை பெய்யக்கூடும். சில இடங்களில் 100 மில்லிமீற்றருக்கும் அதிகமான பலத்த மழை பதிவாகக் கூடும்.

ஊவா மாகாணத்திலும், அம்பாறை, மட்டக்களப்பு மாவட்டங்களிலும் பிற்பகல் 1.00 மணிக்குப் பின்னர் மழை அல்லது இடியுடன் கூடிய மழை பெய்யக் கூடும்.

மேலும், மத்திய மலைநாட்டின் மேற்கு சரிவுப் பகுதிகள், வடக்கு, வடமத்திய, வடமேல் மாகாணங்கள் மற்றும் திருகோணமலை, அம்பாந்தோட்டை, மாத்தளை மாவட்டங்களில் மணித்தியாலத்துக்கு 40 முதல் 50 கிலோமீற்றர் வேகத்தில் பலத்த காற்று வீசக்கூடும்.

இடியுடன் கூடிய மழை பெய்யும் வேளைகளில் பலத்த காற்று மற்றும் மின்னல் தாக்கங்களினால் ஏற்படும் அசம்பாவிதங்களைக் குறைத்துக் கொள்ளத் தேவையான முன்னெச்சரிக்கை நடவடிக்கைகளை எடுக்குமாறு வளிமண்டலவியல் திணைக்களம் பொதுமக்களைக் கேட்டுக் கொள்கின்றது.