விவசாயிகளுக்கு 7.2 மில்லியன் பிராங்குகள் நிவாரணம்

சுமார் 13 ஆயிரம் விவசாயப் பண்ணைகளுக்கு இந்தத் தொகை வழங்கப்பட உள்ளது. கூட்டுறவு அமைப்பில் உள்ள ஒவ்வொரு உறுப்பினருக்கும் 100 முதல் 2,000 சுவிஸ் பிராங்குகள் வரை கிடைக்கும் என தெரிவிக்கப்பட்டுள்ளது.

இந்த ஒருமுறை நிதியுதவி, கூட்டுறவு அமைப்பின் இலாபப் பகிர்வு திட்டத்தின் கீழ் வழங்கப்படுகிறது. வரும் மாதங்களில் லாண்டி கடைகள் மூலம் இந்தத் தொகை விவசாயிகளின் கணக்கில் வரவு வைக்கப்படும்.

கோடை காலத்தில் ஏற்பட்ட கடுமையான வெப்பம் மற்றும் வறட்சியால் விவசாயத் துறை நிதி நெருக்கடியை எதிர்கொண்டுள்ள நிலையில், இந்த உதவி வழங்கப்படுவதாக ஃபெனாகோ தெரிவித்துள்ளது.

இதனிடையே, விவசாயிகளுக்கு ஆதரவாக மைக்ரோஸ் நிறுவனமும் கடந்த ஆகஸ்ட் மாத இறுதியில் 2 மில்லியன் சுவிஸ் பிராங்குகளை வழங்குவதாக அறிவித்திருந்தது.