சுவிட்சர்லாந்தின் முதன்மைப் பொருளாதார மையமாக லேக் ஜெனீவா பிராந்தியம் – சூரிச்சைப் பின்னுக்குத் தள்ளியது!

ஜெனீவா, வோட் மற்றும் வலே ஆகிய மூன்று மாநிலங்களும் இணைந்து, 2024ஆம் ஆண்டில் சுமார் 190 பில்லியன் சுவிஸ் பிராங்குகள் மொத்த உள்நாட்டு உற்பத்தியைப் பதிவு செய்துள்ளன. இதே காலகட்டத்தில் சூரிச்சின் மொத்த உள்நாட்டு உற்பத்தி 167 பில்லியன் பிராங்குகளாக இருந்தது.

சூரிச் நகரிலிருந்து முக்கிய நிறுவனங்கள் வெளியேறுவது இந்த மாற்றத்திற்கான காரணிகளில் ஒன்றாகக் குறிப்பிடப்படுகிறது. வோன்டோபெல் மற்றும் செம்ப்ரா வங்கிகள் தங்களது தலைமையகங்களை வேறு இடங்களுக்கு மாற்றப்போவதாக அறிவித்துள்ளன. இதன் காரணமாக, சுமார் 2,160 வேலைவாய்ப்புகள் சூரிச் நகரிலிருந்து வெளியேறவுள்ளன.

மேலும், ஜெனீவா மற்றும் வோட் மாநிலங்கள் மட்டும் இணைந்து 168 பில்லியன் பிராங்குகளுக்கும் அதிகமான மொத்த உள்நாட்டு உற்பத்தியை உருவாக்கியுள்ளன. சூரிச்சை விட குறைவான மக்கள் தொகையைக் கொண்டிருந்தாலும், இந்த இரு மாநிலங்களும் இணைந்து குறிப்பிடத்தக்க பொருளாதாரப் பங்களிப்பை வழங்கியுள்ளன.