வங்கக்கடலில் தீவிர சூறாவளியாக மாறுகிறது 'அர்னாப்'; மீனவர்களுக்குச் சிவப்பு எச்சரிக்கை!

இன்று காலை 9:30 மணிக்கு வெளியிடப்பட்ட இந்த அறிவிப்பு, அடுத்த 12 மணி நேரத்திற்குச் செல்லுபடியாகும் என வளிமண்டலவியல் திணைக்களம் தெரிவித்துள்ளது.

வங்காள விரிகுடாவின் மத்திய கிழக்கு பகுதியில் நிலவிய ஆழ்ந்த காற்றழுத்த தாழ்வு மண்டலம் தற்போது 'அர்னாப்' புயலாக வலுப்பெற்றுள்ளது. இது இன்று இரவு 11:30 மணியளவில் தீவிர சூறாவளியாக மாறக்கூடும் என எச்சரிக்கப்பட்டுள்ளது.

இதன் காரணமாக, குறிப்பிட்ட கடல் பகுதிகளில் காற்றின் வேகம் மணிக்கு 80 முதல் 100 கிலோமீட்டர் வரை வீசக்கூடும் என்பதோடு, அலைகள் 3 முதல் 4 மீட்டர் வரை உயரக்கூடும்.

இந்தச் சூறாவளி இலங்கையை நேரடியாகப் பாதிக்காது என்றபோதிலும், நாட்டின் தென்மேற்குப் பகுதிகளில் அடுத்த சில நாட்களுக்கு மழை அதிகரிக்கக்கூடும் எனக் கணித்துள்ளது.

எனவே, வட அகலாங்கு 10 முதல் 20 வரையிலும், கிழக்கு நெட்டாங்குக் கோடு 80 முதல் 95 வரையிலும் உள்ள கடல் பகுதிகளில் மீன்பிடி மற்றும் கடற்படை நடவடிக்கைகளில் ஈடுபடுவதை முற்றிலும் தவிர்க்குமாறு கேட்டுக்கொள்ளப்படுகிறார்கள்.

கடலில் உள்ளவர்கள் உடனடியாகப் பாதுகாப்பான இடங்களுக்குச் செல்லுமாறு அறிவுறுத்தப்படுகிறார்கள்.