ஜெர்மனியில் கொடூரம்! அடுக்குமாடி குடியிருப்பில் தீவைப்பு: 3 இந்தியர்கள் பரிதாப பலி!

குறிப்பிட்ட அந்த அடுக்குமாடி குடியிருப்பில் அதிகாலை நேரத்தில் திடீரெனப் புகை மூட்டமும் தீப்பற்றி எரிந்ததும் கண்டு அக்கம் பக்கத்தினர் தீயணைப்புத் துறைக்குத் தகவல் தெரிவித்தனர். சம்பவ இடத்திற்கு விரைந்த மீட்புக் குழுவினர், தீவிரப் போராட்டத்திற்குப் பிறகு கட்டிடத்திற்குள் சிக்கியிருந்தவர்களை மீட்கும் பணியில் ஈடுபட்டனர்.  

இருப்பினும், இரண்டாம் தளத்தில் உள்ள ஒரு குடியிருப்பில் இருந்து 3 இந்தியர்களின் உடல்கள் மீட்கப்பட்டன. இதில் மேலும் 5 பேர் காயமடைந்து மருத்துவமனையில் அனுமதிக்கப்பட்டுள்ளனர். 

இச்சம்பவம் குறித்து வழக்குப் பதிவு செய்த காவல்துறையினர் மேற்கொண்ட முதற்கட்ட விசாரணையில், மின்சாரக் கோளாறு காரணமாக இத்தீ விபத்து ஏற்படவில்லை என்பதும், திட்டமிட்டு வைக்கப்பட்ட தீ என்பதும் தெரியவந்துள்ளது.

இதனைத் தொடர்ந்து, அதே கட்டிடத்தில் வசித்து வந்த 41 வயது நபர் ஒருவரைக் சந்தேகத்தின் பேரில் காவல்துறையினர் கைது செய்து தீவிர விசாரணை நடத்தி வருகின்றனர். 

இச்சம்பவம் ஜெர்மனியில் வாழும் இந்திய சமூகத்தினரிடையே பெரும் சோகத்தையும் அச்சத்தையும் ஏற்படுத்தியுள்ளது.