உர்தோர்ஃபில் பேருந்து – லாரி மோதல்; பலர் காயம்

வெள்ளிக்கிழமை பிற்பகல் 2.30 மணியளவில் பேசல் நோக்கிச் சென்ற பேருந்து, போக்குவரத்து நெரிசல் காரணமாக சாலையில் நின்றுகொண்டிருந்த லாரியின் பின்புறத்தில் மோதியது. இதில் குறைந்தது இரண்டு பயணிகள் மற்றும் பேருந்து ஓட்டுநர் லேசானது முதல் மிதமான காயங்களுக்கு உள்ளாகினர்.

காயமடைந்தவர்கள் ஆம்புலன்ஸ்கள் மூலம் வெவ்வேறு மருத்துவமனைகளுக்கு கொண்டு செல்லப்பட்டனர். விபத்துக்கான காரணம் மற்றும் சம்பவம் நடந்த விதம் குறித்து சூரிச் மாகாண காவல்துறை விசாரணை நடத்தி வருகிறது.

விபத்து காரணமாக A3 நெடுஞ்சாலையின் ஒரு வழித்தடம் மூடப்பட்டு போக்குவரத்து பாதிக்கப்பட்டது. சுமார் மாலை 6 மணியளவில் சாலை மீண்டும் போக்குவரத்துக்கு திறக்கப்பட்டது.

கடந்த வாரம் எங்கடைன் பகுதியில் நடந்த பேருந்து விபத்தில் 5 பேர் உயிரிழந்த நிலையில், தற்போது மீண்டும் சுவிட்சர்லாந்தில் பேருந்து விபத்து ஏற்பட்டுள்ளது குறிப்பிடத்தக்கது.