கால்களில் இந்த அறிகுறிகள் அடிக்கடி தோன்றுதா? உடலில் ஒளிந்திருக்கும் ஆபத்தான பிரச்சனைகளாக இருக்கலாம்!

பொதுவாக நாம் சந்திக்கும் கால் வலிகள் அல்லது மாற்றங்களைக் களைப்பு என்று அலட்சியமாக விட்டுவிடுகிறோம். ஆனால், அவை பின்வரும் பாதிப்புகளின் அறிகுறியாக இருக்கக்கூடும்:

கால் வீக்கம் : கணுக்கால் மற்றும் பாதங்களில் அடிக்கடி வீக்கம் ஏற்படுவது, இதயம், சிறுநீரகம் அல்லது கல்லீரல் சார்ந்த கோளாறுகளின் அறிகுறியாக இருக்கலாம். உடலில் நீர்ச்சத்து தேங்குவதால் இந்நிலை உருவாகிறது.

அடிக்கடி ஏற்படும் பிடிப்பு : இரவில் தூங்கும்போது அல்லது சாதாரணமாக இருக்கும்போது திடீரென நரம்பு இழுப்பது போன்ற பிடிப்பு ஏற்பட்டால், உடலில் பொட்டாசியம், மெக்னீசியம் அல்லது கால்சியம் போன்ற தாதுச்சத்துக்கள் குறைபாடு இருப்பதைக் குறிக்கிறது.

கால் மரத்துப்போதல் மற்றும் எரிச்சல் : பாதங்களில் ஊசி குத்துவது போன்ற உணர்வு அல்லது மரத்துப்போதல் போன்றவை தொடர்ச்சியாக இருந்தால், அது ரத்தத்தில் சர்க்கரை அளவு அதிகரித்து நரம்புகள் பாதிக்கப்படுவதன் அறிகுறியாகும்.

கால் பாதம் குளிர்ந்து போதல் : கோடை காலத்திலும் பாதங்கள் மிகவும் சில்லென்று இருந்தால், ரத்த ஓட்டக் குறைபாடு அல்லது தைராய்டு சுரப்பி ஒழுங்கற்ற முறையில் செயல்படுவதன் காரணமாக இருக்கலாம்.

காயங்கள் ஆறாமல் இருப்பது : கால்களில் ஏற்படும் சிறு காயங்கள் கூட நீண்ட நாட்களாக ஆறாமல் இருந்தால், அது மோசமான ரத்த ஓட்டம் அல்லது நீரிழிவு நோயின் தீவிரத்தைக் காட்டுகிறது.

எனவே, கால்களில் இது போன்ற அறிகுறிகள் தொடர்ந்து நீடித்தால், சுய மருத்துவம் செய்யாமல் உடனடியாக மருத்துவரை அணுகி பரிசோதனை செய்து கொள்வது மிக அவசியமாகும்.