மாலை நேரக் மொறுமொறு ஸ்நாக்ஸ்: நாவில் நீரூறும் உருளைக்கிழங்கு வேர்க்கடலை பால்ஸ்

மொறுமொறுப்பான மற்றும் சுவையான இந்த ஸ்நாக்ஸை மிக எளிமையாக வீட்டிலேயே செய்வது எப்படி என்று பார்க்கலாம்.

செய்முறை

தேவையான பொருட்கள்

உருளைக்கிழங்கு - 3 (வேகவைத்து மசித்தது)

வேர்க்கடலை - அரை கப் (வறுத்து, தோல் நீக்கி, கொரகொரப்பாக அரைத்தது அல்லது பொடியாக்கப்பட்டது )

பச்சை மிளகாய் - 2 (பொடியாக நறுக்கியது)

இஞ்சி பூண்டு விழுது - 1 தேக்கரண்டி

கரம் மசாலா - அரை தேக்கரண்டி

மிளகாய்த்தூள் - அரை தேக்கரண்டி (காரத்திற்கு ஏற்ப)

மல்லித்தலை - சிறிதளவு (பொடியாக நறுக்கியது)

எலுமிச்சை சாறு - அரை தேக்கரண்டி

மைதா மாவு அல்லது சோள மாவு (கார்ன் ஃபிளார்) - 2 மேஜைக்கரண்டி

தூள் உப்பு - தேவையான அளவு

எண்ணெய் - பொரிப்பதற்குத் தேவையான அளவு

பிரெட் தூள் - தேவையான அளவு (மேல் கோட்டிங்கிற்கு)

செய்முறை

முதலில் ஒரு பாத்திரத்தில் வேகவைத்து மசித்து வைத்துள்ள உருளைக்கிழங்கைச் சேர்க்கவும். அதனுடன் பொடித்து வைத்துள்ள வேர்க்கடலை, பொடியாக நறுக்கிய பச்சை மிளகாய், இஞ்சி பூண்டு விழுது, மிளகாய்த்தூள், கரம் மசாலா, மல்லித்தலை, எலுமிச்சை சாறு மற்றும் தேவையான அளவு உப்பு சேர்த்து நன்றாகப் பிசைந்து கொள்ளவும்.

இப்போது பிசைந்து வைத்துள்ள கலவையிலிருந்து சிறிய எலுமிச்சை அளவுக்கு மாவை எடுத்து, கைகளில் எண்ணெய் தடவிக்கொண்டு சிறிய உருண்டைகளாகப் உருட்டி வைத்துக் கொள்ளவும்.

ஒரு சிறிய கிண்ணத்தில் மைதா அல்லது சோள மாவுடன் சிறிதளவு தண்ணீர் சேர்த்து, கட்டிகள் இல்லாமல் தோசை மாவு பதத்திற்கு கரைத்துக் கொள்ளவும்.

தயார் செய்து வைத்துள்ள உருளைக்கிழங்கு உருண்டைகளை முதலில் மைதா மாவு கலவையில் லேசாக முக்கிவிட்டு, பின் பிரெட் தூளில் நன்றாகப் புரட்டி எடுக்கவும். இதனால் பொரிக்கும்போது எண்ணெய் அதிகமாகக் குடிக்காது, மேலும் மொறுமொறுப்பாக வரும்.

கடாயில் பொரிப்பதற்குத் தேவையான எண்ணெய் ஊற்றி சூடேற்றவும். எண்ணெய் சூடானதும், தயார் செய்து வைத்துள்ள உருண்டைகளைப் போட்டு மிதமான தீயில் பொன்னிறமாக வரும் வரை பொரித்து எடுக்கவும்.

சுவையான மற்றும் மொறுமொறுப்பான ‘உருளைக்கிழங்கு வேர்க்கடலை பால்ஸ்’ இப்போது தயார்! இதனைத் தக்காளி சாஸ் அல்லது புதினா சட்னியுடன் சுவைக்க அருமையாக இருக்கும்.