மணிக்கு 70 கி.மீ வேகத்தில் பலத்த காற்று வீசக்கூடும்: மீனவர்கள் மற்றும் கடற்போக்குவரத்தில் ஈடுபடுவோருக்கு எச்சரிக்கை!

இன்று பிற்பகல் 4.30 மணிக்கு வெளியிடப்பட்ட இந்த எச்சரிக்கை அறிவித்தல், நாளை காலை 1.30 மணி வரை செல்லுபடியாகும் எனக் குறிப்பிடப்பட்டுள்ளது.

குறித்த கடற்பரப்புகளில் இடியுடன் கூடிய மழை பெய்யக்கூடும் என்பதுடன், அவ்வேளைகளில் தற்காலிகமாக மணிக்கு 60 முதல் 70 கிலோமீற்றர் வேகத்தில் பலத்த காற்று வீசக்கூடும் எனவும் வளிமண்டலவியல் திணைக்களம் தெரிவித்துள்ளது.  

இதன்காரணமாகக் குறிப்பிட்ட கடற்பரப்புகள் தற்காலிகமாக மிகவும் கொந்தளிப்பாகக் காணப்படும் என்பதால், அங்கு தொழிலில் ஈடுபடும் மீனவர்கள் மற்றும் கடற்போக்குவரத்தில் ஈடுபடுவோர் மிகவும் அவதானத்துடன் செயற்படுமாறு அறிவுறுத்தப்பட்டுள்ளனர்.