கனமழை எச்சரிக்கை: அனர்த்தங்களை எதிர்கொள்ள தயார் நிலையில் மீட்புக் குழுக்கள்!

வளிமண்டலவியல் திணைக்களம் விடுத்துள்ள முன்னறிவிப்புகளைச் சுட்டிக்காட்டி, அனர்த்த முகாமைத்துவ நிலையத்தின் பணிப்பாளர் பிரதீப் கொடிப்பிலி இதனை உறுதிப்படுத்தியுள்ளார்.

இதன்படி வடக்கு, மேல், சப்ரகமுவ, தெற்கு, வடமேல் மற்றும் மத்திய மாகாணங்களிலும், அநுராதபுரம் மாவட்டத்திலும் அவ்வப்போது பலத்த மழை அல்லது இடியுடன் கூடிய மழை பெய்யக்கூடும் என எதிர்பார்க்கப்படுகிறது.

பாதிக்கப்படக்கூடிய அனைத்துப் பகுதிகளுக்கும் தேவையான பாதுகாப்பு உபகரணங்களும், அவசர மீட்புக் குழுக்களும் ஏற்கனவே அனுப்பி வைக்கப்பட்டுள்ளதாக பணிப்பாளர் பிரதீப் கொடிப்பிலி மேலும் தெரிவித்துள்ளார்.

பொதுமக்கள் வானிலை எச்சரிக்கைகளைக் கவனத்தில் கொண்டு பாதுகாப்பாக இருக்குமாறு கேட்டுக்கொள்ளப்படுகிறார்கள்.