நேபாளத்தை புரட்டிப்போட்ட கனமழை, வெள்ளம்: அதிரவைத்த நிலச்சரிவுகளால் இயல்பு வாழ்க்கை முடக்கம்!

கனமழை மற்றும் நிலச்சரிவுகளுக்குப் பலியாகியோரின் எண்ணிக்கை 24 ஆக உயர்ந்துள்ளது. மேலும் 14-க்கும் மேற்பட்டோரைக் காணவில்லை என அதிகாரிகள் தெரிவித்துள்ளனர்.

1,500-க்கும் மேற்பட்ட மக்கள் வீடுகளை இழந்து பாதுகாப்பான இடங்களில் தஞ்சமடைந்துள்ளனர். 200-க்கும் மேற்பட்ட வீடுகள் முற்றிலும் சேதமடைந்துள்ளன.

காளிகண்டகி ஆற்றில் ஏற்பட்ட வெள்ளப்பெருக்கால் மாவட்டங்களை இணைக்கும் முக்கிய பாலங்கள் அடித்துச் செல்லப்பட்டுள்ளன. மேலும், மின் உற்பத்தி நிலையங்கள் பாதிக்கப்பட்டுப் பல பகுதிகளில் மின்விநியோகம் முடங்கியுள்ளது.

மோசமான வானிலை மற்றும் வீதிகள் துண்டிக்கப்பட்டுள்ளதால் மீட்புக் குழுவினர் பல இடங்களுக்கு நடந்து சென்றே மீட்புப் பணிகளை மேற்கொண்டு வருகின்றனர்.

வானிலை மோசமாக இருக்கும் என்பதால் ஆற்றங்கரையோர மக்களும், மலைப்பகுதி மக்களும் மிகுந்த எச்சரிக்கையுடன் இருக்குமாறு அரசு அறிவுறுத்தியுள்ளது.