பொருளாதார ஸ்திரத்தன்மையைக் குலைக்கச் சதி நடக்கிறது: பங்களாதேஷ் அரசு தீவிர எச்சரிக்கை!

பங்களாதேஷின் முக்கியத் தொழில் நகரங்களான டகா, காஜிபூர் மற்றும் அசுலியா உள்ளிட்ட பகுதிகளில், குறைந்தபட்ச மாத ஊதியத்தை 30,000 டாக்காவாக உயர்த்தக் கோரி ஆடைத் தொழிலாளர்கள் கடந்த சில நாட்களாகத் தீவிரப் போராட்டத்தில் ஈடுபட்டு வருகின்றனர். இந்தப் போராட்டம் சில இடங்களில் வன்முறையாக மாறியதை அடுத்து, பொலிஸாருக்கும் தொழிலாளர்களுக்கும் இடையே மோதல்கள் வெடித்தன. நிலைமையைக் கட்டுப்படுத்தக் கண்ணீர்ப்புகைக் குண்டுகள் மற்றும் நீர்த்தாரை பிரயோகிக்கப்பட்டதை அடுத்து அப்பகுதியில் பதற்றம் அதிகரித்துள்ளது.

இதற்கிடையில், இந்த ஆடைத் தொழிலாளர் போராட்டத்தின் பின்னணியில் அரசியல் உள்நோக்கமும், நாட்டின் ஸ்திரத்தன்மையைச் சீர்குலைக்கும் சதித்திட்டமும் உள்ளதாக பங்களாதேஷ் அமைச்சர்கள் குற்றம் சாட்டியுள்ளனர். அரசாங்கத்திற்கு எதிராகக் குழப்பங்களை ஏற்படுத்தச் சில தரப்பினர் முற்படுவதாகத் தெரிவித்த அமைச்சகம், ஆலைகளின் இயல்புநிலை மற்றும் பொதுமக்களின் பாதுகாப்பை உறுதி செய்ய உரிய நடவடிக்கைகள் எடுக்கப்பட்டு வருவதாகவும் அறிவித்துள்ளது.

தொிலாளர்களின் கோரிக்கைகளைக் பரிசீலிக்க புதிய ஊதிய வாரியம் அமைக்கப்படும் என அரசு தரப்பு அறிவித்துள்ள போதிலும், நாட்டின் முக்கிய ஏற்றுமதித் துறையான ஆடைத் தொழில் முடங்கியுள்ளமை குறிப்பிடத்தக்கது.